көшпелі зеңбірек

(кочующее орудие (взвод; батарея))

артиллерияның қорғаныстағы құрамы, орны, атыс жүйесі туралы қарсыласты жаңылдыру мақсатында бірнеше атыс позицияларынан біртіндеп атуға арналған жеке зеңбірек (немесе артиллериялық бөлімше). Атысты жүргізу үшін К.з. (әдетте, 4—5) атыс позицияларына арнайы дайындалады. Әрбір зеңбірекке (взводқа, батареяға) уақыт және атысты жүргізу реті, атыс бекінісін ауыстыратын жерлер тағайындалады. К.з-тен әрбір атыс позициясынан уақытында және нысанаға атуды артиллерияның аға бастығы белгілейді. Атыс аяқталған соң К.з. атыс позициясын тастап, белгі-ленген маршрутпен басқа позицияға көшеді. К.з. маневрі қарсыластан жасырын жүргізіледі. К.з. саны мен калибрі қалыптасқан жағдай мен қойылған міндеттерге байланысты болады. Көшпелі ату құралдары ретінде минаатарлар мен танктер де қолданыла алады.